Bæjarbíó
MODSES NÝ.jpg

MOSES HIGHTOWER í Bæjarbíói -27. september

MODSES NÝ.jpg

MOSES Hightower -27

.september

Nú má strax byrja að æfa sig að kinka hægt kolli í takt við seigfljótandi grúv, því gæðablóðin taktvissu í Moses Hightower hafa boðað komu sína í Bæjarbíó þann 27. september.

Hljómsveitin hefur nú í um áratug verið einn helsti kyndilberi sálarskotinnar dægurtónlistar á klakanum, eða allt síðan dúnmjúki valsinn „Búum til börn“ tók að heyrast á öldum ljósvakans árið 2008. Fljótlega eftir það leit dagsins ljós samnefnd plata, og voru gagnrýnendur og hlustendur sammála um að hér kvæði við nýjan tón í íslenskri tónlist. Útsetningar, hljóðheimur og spilamennska sóttu óspart í sálartónlist 7. og 8. áratugar, en textar þóttu minna á íslenskt lopapeysupopp frá sama tímabili, ekki síst Spilverk þjóðanna. Í öllu falli var plötunni tekið fagnandi, og lögin „Vandratað“ og „Bílalest út úr bænum“ hljómuðu látlaust úr viðtækjum landsins.

Önnur Mósebók fylgdi í kjölfarið, og sá angurværi og indískotnari tónn sem þar kvað við virtist falla í kramið hjá skammdegisþjóðinni. Platan hlaut fjölda verðlauna og mikla útvarpsspilun, og fór að endingu í gull.

Þriðja breiðskífa sveitarinnar, Fjallaloft, kom út um mitt síðasta ár, og lög af henni verða fyrirferðarmikil í Bæjarbíói í bland við lummur á borð við „Stutt skref“, „Háa C“ og „Sjáum hvað setur“. Hins vegar verður glænýtt efni einnig með í för, en Moses nýtir sumarið til tónsmíða og verður nýkominn úr hljóðveri þegar kemur að Bæjarbíóstónleikum